اليوتبرز الكوميدية لبنى جواهري تكسر عقدة “التبني” وتزور إحدى مراكز الاطفال المتخلى عنهم وتبعث برسالة قمة في الأخلاق و النبل
نشرت اليوتبرز الكوميدية المغربية لبنى الجواهري فيديو داخل إحدى مراكز الرعاية الاجتماعية بمدينة طنجة بمناسبة عيد الفطر، و هي تتقاسم فرحتها مع الاطفال المتخلى عنهم.
و قالت جواهري في الفيديو الذي رافقته بتدوينة مؤثرة، على صفتحها بالفايسبوك: “اليوم فرحتي بالعيد مكتصورش جيت الواحد منبع الحب و الحنان و البراءة و تغديت و فرحت معاهم حيت هوما بمثابة خوتي جيت مؤسسة الرعاية الاجتماعية جمعية حضانة طنجة للرضع و الاطفال المتخلى عنهم كان أسعد يوم في حياتي اول مرة نحيد داك الحاجز وخا تشوفوني قوية و مكنبينش و لكن ديما تنكول انا ماقادتش نواجه و نشوفهم ولكن اليوم عجبني الحال”.
تضيف جواهري:”بغيت نگول لاي واحد متبني فرح و قرا و اخدم عيش…. الحياة كتبغيكم و بغيانا نكونو قويين حنا مدرنا والو مكتاب الله و ناس ليكتبنى الاطفال تهلاو فيهم وربيوهم مزيان راه دوك الاطفال على مكبرتوهوم كيطلعو و متخدوهومش و تردوهم راه حرام…. عجبني الحال بزاف نسيت اليوم كلشي فرحتي لا تتصور شكرا ليكم حيت تنتوما عائلة ديالي بالنسبة لناس ليمتبعيني و لا لي يشوف هد المقطع عفاكم لكتشوفو شي واحد كيتنمرو و يتناغزو على الاطفال متخلى عنهم و لا داوي الاحتياجات الخاصة راه عيب و حشومة حنا في 2023 و بالنسبة لناس ليكتبناو الطفل و من بعد سنوات كتبان أنه مريض حاولو مترجعهوش راه ولا ولادكم هده ملاحظة وبغيت نگولها”.